11.03.2019 up
拯救頭毛大作戰
皮膚的保養我確算是做得足,但頭髮卻成堆乾草般,除左日常用的Shampoo及Conditioner外,我都無咩再做保養(有排我懶到連護髮素都無用),最後我都頂唔住,終於肯去Salon攪攪佢。呢間Salon位於尖沙咀,地理方便,無論係係放工先黎整頭,定放假整完頭去出街都非常方便。Salon有Locker比客人Bag Keep,咁就唔洗擔心左拎右拎。坐低後,職員知道我係放工過黎,肚仔餓住,所以就拎左少量飲品及零食比我頂住先,哈哈!我D頭髮無時無刻都又乾又唔貼服,而且已經持續數年計(哭)有護膚習慣的大家,相信對維他命B5呢個補濕成份唔會陌生。今次呢個日本的B5瞬間重生護理係利用純維他命B5,導入到頭髮內修復及強化髮芯,提升彈性韌度,令頭髮由內到外都有重生的效果。髮型師先幫我用洗頭水洗洗個頭,去除表面的污穢。我個日係著裙去,師髮師仲貼心地比毛巾我蓋一蓋腳,以免走光。接下來就用了深層清潔護理的產品再洗多次,今次起泡後會讓產品係頭髮上Stay一陣(過程唔會有刺激的氣味,亦無刺激的感覺),好讓有更大的清潔效能。相信大家都會用過不少含Chemical的頭髮產品,呢個步驟就可以幫大家清除其雜質架啦。Treatment的第一步就係將粉紅色Step 1(維他命B5-用黎修補受損的髮絲)& Step 2 (NAPCA-多種天然保濕因子,令頭髮瞬間變得水潤)Mix埋一齊搽上個頭到,再用熱力令頭髮更加吸收。整個過程暖暖地,加上唔係用蒸氣個種機,所以唔會有水滴出黎。焗完10分鐘到,髮型師就直接加埋Step 3的蛋白護髮霜上頭條上,再用熱力焗多10分鐘。10分鐘好快就到,之後就去洗走多餘的精華。印一印乾個頭後,髮型師就加埋最後一個Step-水潤光澤精華去修復毛鱗片(即頭髮的角質層)。髮型師好細心咁幫我吹乾個頭,仲教懂我點樣日常去護理自己的頭髮。題外話,我都係第一次用Dyson風筒吹頭,D風係勁,但温度好舒服。當個頭吹完,我即刻嚇一嚇!痴線,呢個咁有洗頭水廣告的髮質真係我架?!就連髮型師都話有少少鍾意我\(//∇//)\ D頭髮咋(^_^)v做完Treatment後,除了頭髮無咁乾旱,仲加添了幾分光澤感,就好似天使光環般(笑)。雖然我仲努力緊學好吹個靚頭,不過頭髮比未做Treatment之前容易打理左好多!係大家都努力做面部保養的時,都不要唔打理頭髮的保養哦(⁎⁍̴̛ᴗ⁍̴̛⁎)Hair kingdom@Elite Hair Group地址:尖沙咀加連威老道 39號 太興商業大廈 1樓全層Facebook:www.facebook.com/HairKingdomSalon.HK/=====================================產品由Hair kingdom@Elite Hair Group提供,但以上分享全屬個人感受。| 品牌合作 | 出席活動 | 產品試用 | Email : bingfooddelivery@gmail.com