27.09.2018 up
觀塘尋靚款男禮+美爆天鵝湖婚紗 (多圖)
Big Day就到,今日同男人去左睇男禮⋯⋯係網上揾左好耐,見到係觀塘地鐵站有間小店的男禮真係好靚,於是就Book左上去試。上到去見到好多唔多顏色、唔多Pattern的男禮⋯⋯另外呢到的男禮係掛晒出黎揀,有得見到實物同厚度先試上身。摸上身D料好靚,絶對唔係淘寶的貨仔。最後,男人揀左4套唔同款式去試⋯⋯男禮一 – 小小的灰格更顯成熟穩重感,Cutting簡單唔浮誇⋯ 連我自己都估唔到我男人著到呢個風格(笑)男禮二 – 係男人一直想試的大格仔款,亦係呢排好Hit!用了深藍作布的底色,加上幼幼的紅藍格仔做Pattern,整體比男禮一無咁成熟,但就加添了時尚感。男禮三 – 經典的黑色男禮,用了燕尾的設計,男人即時變得更有氣勢,絶對唔會比靚靚新娘(即係我)搶晒Foucus!男禮四 – 講真,如果唔係結婚,男仔都無咩幾何著到成個白馬王子咁⋯所以我專登叫佢試一試白色的男禮!著上身好有斯文大方的感覺,另外領口用了銀色的設計,睇落整Sharp更醒目。由於婚紗真係太靚啦,加上我係教堂行禮⋯⋯所以我早早已決定Big Day當日要著兩條唔同的婚紗!一條係係教堂著,一條就晚宴March in用,但一直都揾唔到係教會著的婚紗。直到我早前Search男禮時見到呢個小店的Facebook有件羽毛婚紗好岩我Style,所以決定自己都試試⋯⋯羽毛婚紗 – 可能係我跳芭蕾舞的影響,對天鵝湖有種無法解釋的情意結⋯⋯呢件婚紗用了心形胸的設定,加上立體有層次的裙擺設計,整體簡單,但仔細睇又有Detail位,一著上身已經好鍾意!大拖尾婚紗 – 係教堂行禮,我target有拖尾的款式⋯呢件大拖尾的婚紗好有氣派,上身同樣用了心形胸的設計,加上白色珠仔繡上的花圖案。呢件婚紗唔同羽毛婚紗,呢件的裙擺的紗就比較軟身,加上大拖尾上的Pattern更顯奢華。漸變晚裝 – 呢件晚裝的胸件Cut得好靚又特別!!裙擺非常輕巧,就算係擠迫的環境下,應該都可以好方便。紫、粉紅、白色的漸變做得好Soft好自然,著完真心會唔想除(笑)!Carmine Wedding Dress & Suit觀塘成業街19-21號成業工業大廈5/F 23室觀塘站B出口行5分鐘查詢電話:5598 9210=====================================| 品牌合作 | 出席活動 | 產品試用 | Email : bingfooddelivery@gmail.com