30.08.2018 up
淘寶超高質囍帖
 早排係強大的網上世界揾囍帖的Idea⋯⋯由此受到早期Beauty & The Beast熱潮,所以好想整張藍色燙金的囍帖。身為小資女的我,又去淘寶發功!最後比我揾到間超高質囍帖印刷的淘寶店!
 其實小店本身D帖的Design都唔差,連邀請卡及信封都有款揀!封套有紅、 粉紅、黃、橙四款可以揀。我特別鍾意右邊的小袋,用黎放餅卡簡直一流!  

另外,裏面都有幾個小清新Standard款可以揀,佢會按返你地的名、日期及資料幫你Fine Tune D內容。  雖然D款都唔錯,但跟我想象中的藍底金色仲有D距離.......所以小妹就自己用ai自己學砌帖,然後向小店Quote價!由於有屋企人唔太鍾意藍色燙金的設計,我們特意整多款紫色燙銀的設計。要左300g的卡紙,報返黎的價(連燙金),折實RMB$3.9 x 320張,即埋單RMB1260!比香港市面幾十蚊張平勁多! 如果再想要厚D就貴650人仔到。
Print個時都驚有D伏,所以特登叫佢地印完影影比我們睇,求個安心。點知望落又真係幾靚仔,即時放心晒。
實物正運緊返香港,等我之後再Update大家啦!(笑) 
淘寶Link:http://m.tb.cn/h.3f04gUl | 品牌合作 | 出席活動 | 產品試用 | Email : bingfooddelivery@gmail.com