30.08.2018 up
為你加添仙氣的MUA

婚期愈來愈近,愈來愈多野想同大家分享……今次想分享的係Big Day重要的一環……妝髮!!經過上網不停咁揾呀揾,見到岩心水的全日新婚化妝的價錢都係差唔多,個個都化得咁靚,點先揀個岩自己的呢?首先我眼形係內雙的,上次去韓國影Pre-Wedding時,韓國化妝師都比我的內雙玩左一陣(笑)…… 係Facebook loop到個新婚化妝師的廣告,見到個化妝師懂得用不同的眼皮膠紙改眼形(包括單眼皮變完美的雙眼皮),加上化妝師有開班授徒,係信心的保證!所以就問左佢拎Rate Card同上去試妝…… Studio位於油麻地地鐵站行1、2分鐘,勁方便!試妝費$500,包1妝3髮及影試妝相,同埋會Hold埋Big Day個期。試妝前,大家要做少少功課,揾D岩你心水的妝髮比化妝師睇,咁佢知道你要咩,就更易幫你整啦。先比比大家睇下我的內雙眼皮先,有Before先有After架嗎⋯⋯ 就算帶左Color Con都好似唔多精神咁。

但比化妝師調完眼形後……即時Blink一聲!雙眼真係無修圖,係化妝師試妝後直出的相!

完整的妝係咁…… 除左精神外,更額外甜美(笑)。係化的時候,化妝師非常仔細咁幫我試不同的款式,兩隻眼的雙眼皮及眼睫毛都用左唔同的整法,方便我去選擇自己鍾意的妝容。

我揀呢位化妝師,除左因爲佢識調整眼形外,仲有一對整頭髮的巧手!睇佢Facebook Page及Instgram的頭髮,真係靚到即刻Like,勁有仙氣!我今次揀的3個髮形,一個扎半辮、一個扎馬尾,一個褂用的髻。跳左20幾年舞,有N年扎髻經驗的我,都覺得個頭整得好靚!簡單得黎,仲好有層次,加上頭頂髮絲的一絲絲空氣感,簡直係大師級!


呢個馬尾用黎襯晚裝,都好易Carry,而且不失華麗感!個D曲髮係化妝師慢慢夾出黎,仙氣就係咁煉成(笑)


最後就係半辮啦!我個人就覺得襯婚紗就一流!頭頂的空氣感,可以令塊面無咁肥 (努力減肥中)。加上放頭髮個D Curve睇得出係有心機的貨仔!大讚!


完左試妝我都即時Confirm左了,咁就可以免試妝費,而且會送埋1親友及新郎妝髮及補妝。如果大家仲有下年就Big Day,就記住好快D揾啦!由於有少少的意外情況,我都係早9個月到揾,但檔期好多化妝師都已經Full左,所以大家想揾個岩心水的化妝師,就快D去試妝啦!如果大家對呢個化妝師師有興趣,可以去佢的Facebook及Instgram睇更多作品同PM問Rate Card及日子啦!

Facebook 
https://www.facebook.com/Ksmakeupworkshop/
Instgram
https://www.instagram.com/ksmakeupworkshop希望大家都揾到個岩心水的MUA啦!(o^^o) 

| 品牌合作 | 出席活動 | 產品試用 | Email : bingfooddelivery@gmail.com