30.07.2018 up
眼紋大邀退


早大半年去品牌的皮膚測試時,見到眼部肌膚的緊緻度比面部相差都幾遠⋯⋯果然眼部肌膚係最顯老的。但⋯⋯我揀眼部產品一定要份子夠細,吸收得快,唔會阻塞毛孔,令到我原本眼底的暗粒加劇。今次就試左Phyto Lab的極高濃度神經胜肽NP眼部精華霜!


由於10+年戴隱形眼鏡的關係,加上係呢半年先開始護理眼周肌膚,所以導致每邊眼底都有幾條細紋,就算化行妝都蓋唔到呢D「症狀」。今次介紹的眼精華霜就係針對減少眼部及面上的紋理,加上質地透薄,減少眼底油脂粒的形成。


先睇睇產品的成份先⋯⋯眼精華霜主要利用有「塗抹式Botox」之稱的六胜肽及八胜肽做主要成份,可以先放鬆肌肉,抑制動態表情紋,淡化皺紋,令眼周睇落更年輕!另外,產品含高效皮膚修復成分:腺苷,經科研證實成份能支援健康的皮膚細胞活動,從而減淡表情紋,並對魚尾紋以及眉心紋特別有效!

質地為乳霜狀⋯⋯每邊眼只要一粒紅豆size的份量就足夠啦,搽得太多或太少都會影響皮膚的吸收架~

眼精華霜滋潤不油膩,質地非常輕身易推,基本上推兩三下就好快就被皮膚吸收晒。

搽完眼的乾紋即時減淡左,搽左兩星期,其他動態紋都無咁深,化的眼妝更貼服tim!而且加埋手指眼周操,眼袋由雙層都變返單層,真係超級開心!

想有年輕的眼周肌?一定要識用含胜肽的眼霜!另外,要選用滲透高的產品,咁就算香港的夏天都唔怕因阻塞毛孔而導致的油脂粒及暗瘡啦!Phyto Lab呢枝高效的極高濃度神經胜肽NP眼部精華霜就做到曬我對眼霜的要求!

產品銷售點:
http://www.phyto-lab.com/hk/retailer.php
品牌Facebook專頁Phyto Laboratory http://www.facebook.com/phytolabhk

=====================================
產品由Phyto Lab提供,但以上分享全屬個人感受。
| 品牌合作 | 出席活動 | 產品試用 | Email : bingfooddelivery@gmail.com