09.07.2017 up
中環朋友聚好去處

今次去咗中環espuma食Dinner,之前都聽過呢間野星期一至日都係比較Full,所以一早就Book咗枱。真好彩,食到8點幾,發覺餐廳已經Full House咁濟!大家想試既,記住打去book咗位先。今次坐近窗邊,望住個中環夜景,再加上美食,簡直係一個享受!

今次黎到專登黎試佢個「煙燻烤安格斯肉眼牛排」同埋「香脆鹹豬手」!我本人真係食肉獸,最鍾意就係啖啖肉的感覺!

首先講一講個「煙燻烤安格斯肉眼牛排」!佢上菜個時係用一個木盒拎黎,打開個盒個時...一陣好香的煙燻味!由於朋友唔食太生的牛,所以叫左8成,其實都有d驚會好un,不過食落又okay喎,有驚喜!不過食得肉眼,我expect係會油脂會比較多,不過塊排係屬於小肥,所以口感Okay!


之後到「香脆鹹豬手」,我真係好鍾意食脆的豬手,但真心呢個菜式好難整得好食,要皮夠脆,肉夠嫩先算合格!espuma整的豬手認真唔錯,佢真係做到皮脆肉嫩,仲好貼心咁會分開肉同骨。

食到一半,叫左一杯夏日特飲「你是女神」,無論係名同個樣都咁得意。其實呢杯係士多啤梨香芋奶昔,本身睇名覺得有D伏,不過飲落真心正,好似飲緊雪糕漿咁,好Summer!

另外,朋友叫左壺招牌水果茶。呢個好香芒果熱情果味,但又唔會蓋過茶味,Good Combination!! 

食飽之後覺得唔夠喉,叫咗個焦糖流心焗蛋白。好耐無食過焗蛋白了!呢個甜品真係好大份,適合一班人share。蛋白焗得咁乾身,入面有海綿蛋糕同流心焦糖,唔鍾意食甜的,可以Skip。唯一不足係食甜品時,職員們無拎過d乾淨碟同餐具。