29.05.2017 up
西貢食海鮮。老字號通記海鮮酒家大件夾抵食
西貢食海鮮。老字號通記海鮮酒家大件夾抵食好耐無入西貢, 入得西貢緊係要食海鮮啦~^^~  沿著西貢市中心海旁行見到間間都坐到人山人海, 忙得不可開交  本來想入去幫襯的又無位, 俾人訂晒台, 再沿途行過一條街, 發現了同名海鮮酒家,上網查萬年街通記海鮮酒家原來係總店添~總要係老字號, 開左30幾年了~緊係入去試下啦~  有些人喜歡坐街有風味D, 我就喜歡坐室內, 有冷氣涼有電視睇, 環境又靜 D 舒服 D~  我地其實無乜心水唔知食咩好, 問下老闆有咩好介紹, 老闆介紹刺身是即叫即切, 保證新鮮所以就點左個刺身拼盤, 不過驚太大盤食唔晒, 老闆話可以幫我地就返份量~  嘩! 嘩! 嘩! 咁大盤既~我地兩個女仔之喎~哈哈~~睇得起我地既食量~哈哈~~  象拔蚌真係好新鮮, 食到索索聲~帶子鮮甜可口  老闆介紹話三文魚是即叫即切, 保證新鮮, 新鮮香口的油份依然看得見~  食完剌身我地點左個海鮮湯  嘩~估唔到咁足料, 食埋D湯料真係驚會好快飽左~哈哈~~  好清好鮮的海鮮湯, 啖啖鮮甜, 有蝦有魚的鮮味  蒜茸粉絲蒸元貝, 永遠都覺得吸盡鮮味的粉絲係最好味既~哈哈~~  調味剛剛好, 沒有蓋過元貝的鮮味, 蒸既時間也恰到好處  一直心掛掛想食椒鹽賴尿蝦, 緊係要點, 好大隻的椒鹽賴尿蝦  香味撲鼻既椒鹽賴尿蝦, 椒鹽味滲透入賴尿蝦中, 嫩滑鮮甜好滋味~  食到呢度, 個腦就浮左兩隻字出黎~「可樂」咁香口既美食緊係要配可樂啦~仲要係支裝~正~ 諗住飽肚就點左個芝士焗龍蝦伊面底  龍蝦手掌咁大隻, 吸了芝士味的龍蝦肉爽口彈牙無得頂, 芝香味濃  伊面好細心應該剪短左, 好易夾唔會彈到D汁周圍都係  最令人期待的黃金鮑魚終於來啦~^^~ 香味亦撲鼻而來是通記海鮮野味酒家新菜色黎架~平時已經好喜歡食黃金蝦, 蛋黃香到不得了~今次仲要同鮑魚 crossover 好正呀~~  色澤金黃既汁真係無得頂, 不停回點再點再點~~好好味~  鮑魚彈牙鮮味無窮, 入口鮮味久久不散, 令人回味再回味  芒果布甸, 好滑, 有少少芒果肉, 唔錯今餐真係食得好滿足~好想帶媽咪黎食~除左點菜, 大家還可以自行挑選喜愛的海鮮, 再交由餐館內的廚師加工烹調    通記海鮮野味酒家總店︰香港西貢萬年街98-102號分店︰香港西貢海傍廣場11-15號地下註︰總店設代客泊車服務 謝謝大家來看LoveCath夏沫的文章啊~^^~Catherine (LoveCath夏沫),電郵 love.cath@yahoo.com.hk / lovecathcath@gmail.comFacebook ~ http://www.facebook.com/cath.lovecathFans Page ~ http://www.facebook.com/lovecathcathInstagram ~ http://instagram.com/lovecathcath 分享平台 Bloghttp://cathcath.theztyle.com/   (主要)http://lovecath.blogspot.com/http://blog.she.com/lovecath/http://blogs.elle.com.hk/LoveCath/http://www.beautyexchange.com.hk/blog/Lovecath%20in%20the%20Wonderland%20夏沫https://talk.cosmopolitan.com.hk/catherineho/http://wow.esdlife.com/lovecathhttp://blog.ulifestyle.com.hk/blogger/lovecath/http://itrial.hk/person.php?uid=7790https://lovecathcath.wordpress.com/http://www.weshare.hk/lovecathhttp://lovecath.pixnet.nethttp://women.fanpiece.com/lovecath/http://www.shewin.com.hk/blog.php?id=68http://www.lovecathcatherine.tumblr.comhttp://www.openrice.com/restaurant/userinfo.htm?userid=758718LoveCath 夏沫