27.02.2016 up
全世界最北的首都 - 冰島Reykjavik 4天遊
 

 係12月尾的時候,我倆去左冰島一轉!當時買左Iceland Airline由英國去雷克雅未克的Package “ Reykjavik Northern Lights City Break”,價格的確不錯!佢係網頁係show £249起(當時對返港幣大約$2,800)……. 咁當然,你如會係London Heathrow機場出發,又要靚d既時間就會每樣加你少少。但係呢個Trip係包來回機票連20kg行李,包3晚酒店,包北極光團!如果你去開英國/歐洲,絕對值儲多舊錢去埋冰島!
 
溫度:雖然叫冰島,但琦冰去的時侯是1月頭。首都Reykjavik最低都係-3至-5度到,都吾會話太過凍!但始終Reykjavik的景點吾多,大多數都要出去郊外多,食冰著左一條牛仔褲+內有毛毛Legging、一件Heat-Tech、一件羊毛冷衫、一年件Hoodie、一件防風羽絨外套、一對綿質襪、一對羊毛襪、再加一對毛毛Boot!Outlook Done!(當然手套、冷帽、暖包都吾可以少!) *我其實仲有一條好厚的褲用埋睇北極光用
 
語言/溝通:呢到10個有10個人都識講英文,所以無有怕!
 
Highlight行程:呢到好多人都係參加Local Tour,由於地方不大,佢主要都係得兩間公司(GrayLine & Reykjavik Excursions)。咁我左格右格價後,大部份的Tour同埋交通都係GrayLine比例平!兩間的Tour無論係時間地點都係大同小二,建議去到冰島先Book呢d旅行團!大部份酒店都可以幫你Book團,你話比Reception知你想book邊間旅行團、咩時間、直接比埋錢佢地就Okay架啦!另外一提,呢d本地Tour會提供免費酒店Pick Up去佢個總站,所以真係好好好好好方便!
P.S. 其實冰島的洗費都比較高,所以半日至全日的旅行團都差吾多港幣$500到(不包食!)所以記緊帶多少少Cash去!
 
推介行程1:Northern Light Tour (Iceland Airline個Package通常會包)
呢個團通常都係夜晚7-10點個時出發,坐旅遊巴去到一個郊野公園!比你係戶外1.5-2hr凍著咁等北極光!SAD,我睇吾到北極光!但見到一個好靚的星空!真係好靚,仲有好多人話見到流星!但無靚相機的我,一切一切都係用吾到電話影出黎,只可以用肉眼睇。
提外話,佢會因應當日天氣去決定會吾會開團,所以去之前記著check清楚!同埋聽聞睇吾到北極光的可以免費再join佢個團,所以愈早去Join愈好!
 
推介行程2:Golden Circle Tour
呢個團我覺得係最抵既,佢真係去足全日,睇晒好多冰島要睇既景點。佢包左去Thingvellir National Park (睇北極光個公園)、Gullfoss Waterfall、Geysir geothermal area、Skálholt Church(但由於天氣關係,佢無帶我地去睇Church,轉左要另外比5/6Euro睇既fakasel Hourse Show。

   
Thingvellir National Park真係好靚,佢位於北美洲板塊&歐亞板塊中間,佢有條路會見到兩邊的石會一高一低好得意!


=18.018px​
Gullfoss Waterfall好宏偉&好凍!我去個時都無落雪,但之前d雪同埋冰都未融!加上好多風,吹落面同埋手都幾凍!


Geysir geothermal area係去睇間歇噴泉!真係好得意,佢係一個不斷“煲緊水”的水池,佢每5-10分鐘到就會有水柱同蒸汽向上噴20公尺!


 
fakase冰島的馬毛比較長,腳比例短,去識應當地天氣!當日旅行團改左行程去呢到睇自費表演,5-6歐羅睇20分鐘到,之後可以同d馬仔近距離接觸影下相!個Show其實好悶!所以不值一提……
總括來說,呢個Trip比較抵去,睇到好多野!MUST GO!
 
 
推介行程3:Blue Lagoon係一個户外溫泉,由於d地下溫泉水係藍藍地色,所以稱為Blue Lagoon!
琦冰Book 左9am去浸溫泉,諗著之後係佢個Lava Restaurant食個Lunch!佢設施一流,成個Club House咁。佢無時間限制,大家可以跟據自己的Schedule去決定。值得一提的係個池側邊會有Silica Mud Mask比大家任敷!除左面之外,仲可以搽埋個身到!
訂飛Tips:大家記著要去歐洲之前要去Official Website上網Book定,因為佢有分入去的時段,真係會FULL架!另外門票有分4個級別:淨係入場浸;入場浸+租毛巾+1杯飲品+護膚品Tester;其他個兩個就比例多d野送。但琦冰認為頭兩個最抵玩!
 
總結:呢個Trip除左睇吾到極光有d失望之外,其他野都好正!我覺得值得一黎,但吾值得Repeat!Local Trip的導遊提及過夏天的冰島有另一翻風味,到處綠油油!但我都係覺得去咁北的地方,當然係睇下我地香港無既野架啦!由於睇吾到極光,之後我會Plan去其他國家都再睇極光 (可能係芬蘭搵聖誕老心/挪威食三文魚)希望以上的資料可以幫到大家啦!