超體貼!KAKAO FRIEND旅行乾燥肌救星❤
秋冬嘅天氣真係好乾燥啊~好似無論搽幾多嘢都唔夠滋潤咁!仲撞啱要去旅行添!唔通要帶晒所有護膚品一齊邊去旅行邊做護理?其實想為好好修護肌膚同時又可以慳返行李箱位置的話,都有方法幫到妳架!而且仲可以令護膚程序變得有趣添~方法就係帶埋超萌嘅KAKAO FRIENDS踏上旅程啦❤


今個秋冬,ON: THE BODY聯同PERIOE,分別聯手KAKAO FRIEND唔同角色決定為妳嘅肌膚進行保濕大作戰,令到妳嘅每一寸肌膚都時刻保持水潤健康!


嘴唇有乾燥脫皮嘅情況出現?唔怕!等含有棷子油&多種維他命嘅KAKAO FRIENDS維他命潤唇膏妳滋潤雙唇啦~除咗無動物性成分外,佢仲不含礦物油及Paraben 三大添加劑,唔單止用得更安心,而且潤唇膏蓋仲有超萌嘅立體KAKAO FRIEND公仔架~喺化妝袋拎出嚟果陣一定會成為朋友圈嘅焦點!
<左起>ON:THE BODY X KAKAO FRIENDS 維他命A有色潤唇膏、維他命E 潤唇膏 (無色)、維他命C有色潤唇膏 各HK$TBC

除咗嘴唇乾之外,去旅行時一定係玩到好夜先返酒店,沖完涼卸完妝後發現皮膚超差!唔單止因為太夜訓搞到暗啞無血色,而且仲出咗唔少細紋啊…呢個時候,就要靠KAKAO FRIEND嘅超萌面膜幫妳趕走乾燥暗啞嘅膚質啦~


KAKAO FRIEND呢款超萌系列面膜含透明質酸、骨膠原精華或檸檬提取物精華,無論妳係想保濕、美白定緊緻都好,佢哋都照顧得到,而且一片面膜入面居然蘊含一瓶精華液,咁無論去旅行玩到幾夜都好,第二日都可以明豔照人咁再出發啦~
ON:THE BODY X KAKAO FRIENDS Mini臉頰面膜 各HK$68/盒

除咗面部肌膚照顧周到外,KAKAO FRIEND仲好關心妳嘅口腔健康架!而家唔少人去旅行都會揀又平又靚嘅民宿住,但係好多時民宿都唔包牙膏牙刷架!呢個時候,又可以出動超可愛嘅KAKAO FRIEND精緻可愛牙膏牙刷啦!

 




PERIOE推出嘅KAKAO FRIENDS精緻可愛牙刷及牙膏,擁有唔同嘅水果味,令到刷牙都變成每日期待嘅事情,KAKAO FRIEND 嘅賣萌威力真係好大啊(笑)
<左起>PERIOE x KAKAO FRIENDS 牙膏牙刷旅行裝 各HK$39.9/套、防水便攜式聲波震動牙刷 HK$109.9




想出街都帶住KAKAO FRIEND嘅話,不如就袋ON: THE BODY嘅KAKAO FRIEND多種功效濕紙巾出去啦~佢哋唔單止的的骰骰方便袋入袋,而且佢仲具有眼唇卸妝濕紙巾、身體專用濕紙巾等等唔同功能,全面照顧到妳所有需要,令肌膚變得清爽不油膩!KAKAO FRIEND真係旅行時嘅超萌旅伴啊~

<左起>ON:THE BODY X KAKAO FRIENDS 卸妝濕紙巾(全面適用)、卸妝濕紙巾(眼唇專用)、潔面濕紙巾 HK$48~HK$69/包

快啲帶晒佢哋返屋企啦!!